23 июн 16:26
Янгиликлар

Бокс/ММА

Ҳамюртимиз ва унинг чемпион шогирди спарринг машғулотларни бошлади

Профессионал бокснинг ярим оғир вазн тоифасида WBO йўналиши чемпиони Сергей Ковалёв спарринг машғулотларга киришди.

Россиялик боксчи 4 август куни колумбиялик Элейдер Альваресга қарши жангда чемпионлик камарини ҳимоя қилади. Жанг АҚШнинг Атлантик-Сити шаҳридаги Hard Rock Hotel & Casino очиқ аренасида бўлиб ўтади.

Маълумот учун, Сергей Ковалёв мана бир неча ойдирки, машғулотларни ҳамюртимиз Аброр Турсунпўлатов қўл остида ўтказяпти. Бу мутахассис Рио Олимпиадаси чемпиони Фазлиддин Ғоибназаровнинг мураббийи ҳисобланади.