"Ҳумо" бугун "Горняк" билан тўртинчи ўйинда тўқнаш келади. Ғалаба қозонсак, 1/2 финалга чиқамиз!

Тошкентнинг "Ҳумо" клуби чорак финалнинг тўртинчи учрашувида Рудний шаҳрининг "Горняк" жамоасига қарши музга чиқади. Ўйин бизнинг вақт билан соат 19:00 да "Горняк Арена"да бошланади.

Бугунги ўйинда ғалаба қозониш орқали тошкентликлар ярим финал йўлланмасига эга чиқишлари мумкин. Боиси, бундан олдинги учта ўйиннинг барчасида "Ҳумо" хоккейчилари зафар қучган эди.