"Ҳумо" жамоаси икки йиллик танаффусдан сўнг яна "Мишкопад" тадбирини уюштирмоқда

Айни дамда Қозоғистон Очиқ чемпионатида иштирок этиб келаётган Тошкентнинг "Ҳумо" хоккей клуби 24 январь куни "Алмати" жамоасига қарши иккинчи уй ўйинини ўтказади.

Мазкур учрашув якунига етгандан сўнг, "Ҳумо Арена"да "Мишкопад" тадбири ўтказилиши маълум бўлди. Бу тадбир доирасида мухлислар ўзлари билан олиб келган юмшоқ ўйинчоқларни музга ташлашади, йиғилган барча ўйинчоқлар Республика Онкология ва радиологияси қошидаги Ishonch нотижорат хайрия фонди кўмагида бетоб ва эҳтиёжманд болаларга совға қилинади.

Шунингдек, мазкур ўйин доирасида чипталар сотувидан тушган барча маблағлар Ezgu Amal хайрия фондига ўтказилади.

Шундай экан, 24 январь куни 19:00 да "Ҳумо Арена"га ташриф буюринг ва хурсандчилик улашинг! Чипталарни ITicket.uz сайти орқали онлайн ҳарид қилишингиз мумкин.