Ҳумоюн Султонов Франция турнирида 1/4 финалга чиқди

M25 тоифасига кирувчи ушбу мусобақада ҳамюртимиз Ҳумоюн Султонов ҳам муваффақиятли иштирок этяпти. Мамлакатимизнинг биринчи ракеткаси 1/16 финалда германиялик Якоб Шнайттерни камбэк эвазига 3/6, 6/4, 7/5 ҳисобларида мағлубиятга учратган эди. 

Бироз аввал якунига етган 1/8 финалда у германиялик Янник Опицдан 7/5, 6/2 ҳисобида устун келди. Тўқсон саккиз дақиқа давом этган баҳсда Ҳумоюн 5, Опиц 4 та эйс зарбасини амалга оширган. Энди у катта эҳтимол билан турнирнинг биринчи ракеткаси, франциялик Дэн Эддедга қрши кортга чиқади. Бунинг учун Дэн бироздан сўнг бошланадиган 1/8 финалда германиялик Флориан Броскани мағлуб этиши даркор.     

Таққослаш учун, турнирда бешинчи рақам остида таснифланган Ҳумоюн айни пайтда дунёнинг 429-ракеткаси бўлиб турибди. Опиц эса ATP рейтингида 1239-поғонадан жой олган. Эддед 285-ўринни банд этган.