Ҳумоюн Султонов Вале-де-Лобода 1/4 финалга чиқди

Мукофот жамғармаси 25 000 долларни ташкил этувчи ушбу турнирда ҳамюртимиз Ҳумоюн Султонов ҳам ўз имкониятини синовдан ўтказяпти. Мамлакатимизнинг биринчи ракеткаси илк даврада чехиялик Дэвид Полякни 2/6, 6/4, 6/1 ҳисобларида мағлубиятга учратганди. 

Турнирда олтинчи рақам остида таснифланган юртдошимиз 1/8 финалда яна бир чех теннисчиси Михал Лусовскидан 6/3, 6/1 ҳисобида устун келди. ATP рейтингида 436-ўринни эгаллаб турган Султонов энди ярим финал чиптаси учун бошқа бир чехиялик теннисчи Гинек Бартонга қарши кортга чиқади. Биринчи босқичда турнирнинг биринчи ракеткасини мусобақадан чиқариб юборган Бартон рейтингнинг 534-поғонасидан жой олган.