08 окт 18:26
Янгиликлар
Теннис
Ҳумоюн ярим финалга чиқди, Санжар эса чорак финалда ютқазди
Чехиянинг Прага шаҳрида теннис бўйича эркаклар ўртасида мукофот жамғармаси 25 000 АҚШ долларини ташкил этувчи мусобақа давом этмоқда.
Бугун мусобақа доирасида икки нафар теннисчимиз кортга чиқди.
Ҳумоюн Султонов чехиялик Марек Генгелга қарши кортга чиқди. 2 соат 4 дақиқа давом этган ўйинда Ҳумоюн 3:6, 6:3, 6:4 ҳисобларида ғалаба қозонди ва ярим финалга йўл олди.
Санжар Файзиев эса чехиялик бошқа бир теннисчи Давид Польак билан ўйин ўтказди. 1 соат 14 дақиқа давом этган баҳсда афсуски Санжар 4:6, 2:6 ҳисобларида имкониятни бой берди.
Бироздан сўнг теннисчиларимиз жуфтлик баҳсларида ярим финал доирасида чехиялик спортчиларга қарши баҳс олиб боришади.
Ҳавола :
Манба : olamsport.com
Фикрлар