22 июн 18:40
Янгиликлар

Футбол

Ҳусанов? Биринчи турдан кейин энг юқори тезлик кўрсатган футболчилар аниқланди

ФИФА томонидан тақдим этилган расмий "physical tracking data" (физик мониторинг маълумотлари) асосида Жаҳон Чемпионати 2026 гуруҳ босқичининг 1-туридан кейинги энг тезкор футболчилар рейтинги эълон қилинди.

Биз учун қувонарлиси, ушбу нуфузли рўйхатнинг юқори поғоналаридан ўзбекистонлик ҳимоячи Абдуқодир Ҳусанов жой олган. Ҳусанов клубдаги жамоадоши Эрлинг Холанд билан бир хил 36,5 км/соат тезлик кўрсатиб, иккинчи ўриндан жой олган. Биринчи ўринни эса Австралия футболчиси Жордан Басга насиб этган. Унинг тезлиги 36,7 км/соатни ташкил қилган.