IBA Жаҳон чемпионатининг 1/2 финалига қайси давлатдан неча нафар боксчи етиб келди?

Кеча ўтказилган чорак финал жанглари натижасига кўра, энг кўп иштирокчи Россиядан - 13 нафар! Иккинчи ўриндан Ўзбекистон терма жамоаси жой олган. Тўққиз нафар боксчимиз ярим финалга етиб келиш асносида жаҳон чемпионатининг камида бронза медалини нақд қилди. 

Чорак финалда кўп йўқотишга учраган Қозоғистон терма жамоасининг 6 нафар вакили 1/2 финалга йўл олди. Арманистон 5, Озарбайжон 3, Грузия, Замбия, Испания, Қирғиз Республикаси ва Тожикистондан 2 нафардан боксчи финал чиптаси учун рингга чиқадиган бўлди. Ярим финалчилар орасида ҳатто Непалдан ҳам боксчи бор.  

IBA Жаҳон чемпионати. 1/2 финал иштирокчилари:

Россия — 13

Ўзбекистон — 9

Қозоғистон — 6

Арманистон — 5

Озарбайжон — 3

Грузия — 2

Замбия — 2

Испания — 2

Қирғиз Республикаси — 2 

Тожикистон — 2

Беларусь — 1

Куба — 1

Мали — 1

Молдова — 1

Непал — 1

Туркманистон — 1