IBA.PRО раҳбари: "Пакьяонинг қайтиши? WBC`нинг фикрлаши — 0!"

Филиппинлик 46 ёшли афсонага WBC ташкилоти нафақат чемпионлик камари учун жанг ўтказишга рухсат берди, балки уни яримўрта вазн (66,7 кг) тоифаси рейтингига ҳам киритди.

"Пакьяонинг қайтишини кескин қоралайман. Унинг қайтишига ҳожат йўқ эди. Балки, у ўзининг ёшлигини ҳис қилиб, Барриосни осон ютаман деб ўйлаётгандир. Билмадим, шундай бўлиши ҳам мумкин. Аммо чемпионлик камари учун имконият берилиши аҳмоқлик. Барча WBC ташкилотида. Фаолиятини якунлаганига беш йил бўлган боксчига бирданига чемпионлик камари учун жанг беришни тушунмайман. Уни яна рейтингда Топ-5`га киритиш, буниси ҳаммасидан ўтиб тушди. Пакьяонинг фаолиятига ҳурмат билан қарамайман. Лекин такрор айтаман, бу ерда барча айб WBC ташкилотида. Шу ташкилот Дмитрий Биволнинг камарини тортиб олганди. WBC`нинг қарорлари ва фикрлаши шунчаки — 0" , — деди Сиеста.