IBF Баҳром Муртазалиевнинг чемпионлик камари учун саралаш жангини белгилади

Америкалик Брэндон Адамс ва ирландиялик Кивин Ажарко Элиминатор, яъни саралаш жангини ўтказади. Ушбу жанг ғолиби россиялик Баҳром Муртазалиев эгалик қилаётган биринчи ўрта вазн тоифасидаги IBF чемпионлик камари учун мажбурий даъвогарга айланади.

Маълумот учун, 36 ёшли Брэндон Адамс сентябрь ойида биринчи ўрта вазн тоифасида собиқ WBC вақтинчалик чемпиони украиналик Сергей Богачукни мағлубиятга учратиб, рейтингда бешинчи ўринга кўтарилиб олганди.

29 ёшли Кивин Ажарко эса профессионал рингда ҳали бирор марта ҳам мағлубиятга учрамаган. У сентябрь ойида ўтказган сўнгги жангида Ишмаэл Дэвисни мағлуб этганди. У ҳозирда рейтингнинг олтинчи поғонасини эгаллаб турибди.

32 ёшли Баҳром Муртазолиев 31 январь куни Британиянинг Ньюкасл шаҳрида маҳаллий боксчи ва шу билан бирга мажбурий даъвогар Жош Келлига қарши ўз камарининг иккинчи ҳимоясини ўтказади.