09 окт 07:32
Янгиликлар

Дзюдо

III "МДҲ ўйинлари" қаҳрамонлари тантанали кутиб олинди ФОТОРЕПОРТАЖ

Озарбайжоннинг Гўйгул шаҳрида ўтказилган III "МДҲ ўйинлари" комплекс мусобақаси дастуридан ўрин олган дзюдо баҳсларида муваффақиятли иштирок этган Ўзбекистон терма жамоаси Ватанга қайтди.

Ислом Каримов номидаги Тошкент халқаро аэропортида музаффар спортчиларимизни Спорт вазирлиги ҳамда Ўзбекистон дзюдо федерацияси мутасаддилари, дзюдочиларимизнининг оила аъзолари ҳамда оммавий ахборот воситалари ходимлари кутиб олишди.

Эслатиб ўтамиз, III "МДҲ ўйинлари"нинг яккалик баҳсларида дзюдочиларимиз 2 та олтин, 2 та кумуш, 8 та бронза, жами 12 та медал билан умумжамоа ҳисобида кучли учликдан жой олишганди. Аралаш жамоавий беллашувларда эса финалга қадар Беларус ва Россия терма жамоаларини мағлубиятга учратган дзюдочиларимиз мусобақанинг кумуш медалига сазовор бўлишган эди.