Икки дзюдочимиз чехиялик жарроҳ ёрдамида операция қилинди

Шифокорлар ҳар икки дзюдочимизга тизза бўғимининг олдинги икссимон боғлами шикастланиши ташхисини қўйишган эди. Куни кеча чехиялик малакали хирург Юрий Лубояцки дзюдочиларимизда жарроҳлик амалиётини муваффақиятли тарзда ўтказди. 

Бундан ташқари, Лубояцки тўрт кун давомида бошқа спорт тури вакилларининг жарроҳлик амалиётини ҳам ўтказди. Операцияларда терма жамоамиз шифокори Азиз Қаюмов ҳам бевосита иштирок этди. 

Кеча Юрий Лубояцки Ўзбекистон дзюдо федерациясида меҳмон бўлди. Унда федерация бош котиби Улуғбек Кабулов чехиялик мутахассисга МОҚ раиси ўринбосари, мамлакат дзюдо федерацияси раиси Азизжон Камиловнинг ташаккурномаси ҳамда эсдалик совғаларини тақдим этди.