14 май 09:15
Янгиликлар

Оғир атлетика

Икки оғир атлетикачимиз Осиё чемпионатида шоҳсупага кўтарилди

Хитойнинг Жиангшан шаҳрида оғир атлетика бўйича катталар ўртасидаги Осиё чемпионати давом этмоқда.

Қитъа биринчилигининг навбатдаги куни терма жамоамиз аъзолари учун омадли келди. Аёллар ўртасида -81 кг вазн тоифасида "А" гуруҳ баҳсларида иштирок этган икки вакилимиз - Ригина Адашбаева ҳамда Мадина Файзуллаева Осиё чемпионати совриндорига айланди.

Адашбаева даст кўтаришда 104 кг натижа билан бронза, иккикурашда 224 кг жамғарган ҳолда яна бир бронза медалга сазовор бўлди. Файзуллаева эса силтаб кўтаришда 121 кг тошни бўйсундирган ҳолда делегациямиз ҳисобига яна бир бронза медални қўшиб қўйди.