16 июл 07:07
Янгиликлар
Теннис
Икки теннисчимиз Грузиядаги турнирда кортга чиқди
Грузиянинг Телави шаҳрида теннис бўйича “Фьючерс” туркумига кирувчи турнир давом этмоқда.
Соврин жамғармаси 15 000 АҚШ долларини ташкил қилувчи мусобақада икки ҳамюртимиз ҳам ўз имкониятини синовдан ўтказяпти. Шониғматжон Шофайзиев ва Саидаъло Саидкаримов рейтинг ўринлари сабаб саралаш турниридан баҳсларга қўшилишди.
Шофайзиев саралашнинг илк даврасида аргентиналик Лаутаро Агустин Фалабеллага 3:6, 2:6 ҳисобида имкониятни бой бериб қўйди. Саралашнинг тўртинчи ракеткаси сифатида ҳаракат қилаётган Саидкаримов эса беларуслик Уладзислау Жукдан 6:3, 6:4 ҳисобида устун келди. Энди Саидаъло исроиллик Оз Даниэлга қарши кортга чиқади.
Ҳавола :
Манба : olamsport.com
Фикрлар