Илҳом Назимовнинг "Киллер"га қарши илк RIZIN чемпионлик жангида нокаут қайд этилди

Оқшомнинг марказий жангида енгил вазн тоифасида RIZIN Лигасининг амалдаги чемпиони, ўзбекистонлик Илҳом Назимов октагонга чиқди. Ҳамюртимизга илк камар ҳимоя жангида бразилиялик Луис "Киллер" Густаво рақиблик қилди. Жанг кутилмаганда биринчи раунднинг ўзида Назимовнинг чуқур нокаутли мағлубияти билан якунланди. Густаво ўнг қўлда йўллаган кучли зарбаси эвазига Назимовни қулатди ва партерда кетма-кет зарбалар билан нокаутли ғалабасини қўлга киритди. 

Шу тариқа, 31 ёшли Илҳом Назимов фаолиятидаги тўртинчи мағлубиятини қабул қилиб олди. Ғалабалари сони 13 талигича қолди. У ўтган йилнинг декабрь ойида бразилиялик Роберто де Соузани нокаутга учратиб, RIZIN чемпионига айланганди.

"Киллер" лақабли 29 ёшли Луис Густаво бугун 16-ғалабасини қўлга киритди. Ҳисобида 4 та мағлубият ҳам бор.