18 ноя 11:47
Янгиликлар

Дзюдо

Илиадис ва Бобонов ЎзДЖТСУда меҳмон бўлишди + ФОТО

Жаҳон чемпиони ва рейтинг пешқадами Давлат Бобонов терма жамоамиз бош мураббийи Илиас Илиадис ҳамроҳлигида Ўзбекистон давлат жисмоний тарбия ва спорт университетида меҳмон бўлишди.

Университетнинг Халқаро кураш турлари назарияси ва услубияти кафедраси мудири, Ўзбекистон Республикасида хизмат кўрсатган мураббий Шуҳрат Арслонов ташаббуси билан ташкил этилган ушбу учрашув ҳар томонлама фойдали бўлди. Унда университет ўқитувчи-мураббийлари, дзюдо бўлими талабалари иштирок этишди.

Шуҳрат Арслонов Ўзбекистон дзюдо федерацияси ҳамда Ўзбекистон давлат жисмоний тарбия ва спорт университети ўртасидаги алоқалар янги босқичга чиқиб бораётгани, бу борада ўзаро имзоланган Меморандумнинг аҳамияти катта бўлаётгани таъкидланди.