Илия Топурия Мераб Двалишвилининг мағлубиятига муносабат билдирди

"Биродар, ҳаёт кутилмаган бурилишларга тўла, лекин биз учун сен ҳар доим энг яхшиси бўласан. Сен анча кучли бўлиб қайтасан", - деб ёзди испан-грузиялик жангчи ижтимоий тармоқдаги саҳифасида.

Пётр Янга қарши жанг Двалишвили учун тўртинчи чемпионлик ҳимояси бўлди. Ғалаба қозонган тақдирда грузиялик жангчи тақвим йилида тўрт марта камарни муваффақиятли ҳимоя қилган биринчи чемпион сифатида ташкилот тарихига кирган бўларди.

Ҳакамларнинг якдил қарори билан мағлубиятга учраган жангдан сўнг, бир неча бор фаворит сифатида октагонга чиққан грузиялик реванш олмоқчи экани, Ян билан қарама-қаршиликни трилогия даражасига кўтармоқчи эканини айтди.

Двалишвили ва Ян ўртасидаги биринчи жанг 2023 йилнинг март ойида бўлиб ўтган ва Мерабнинг очколар ҳисобидаги ғалабаси билан якунланган эди.