14 фев 11:29
Янгиликлар

Бокс/ММА

Илия Топуриянинг мураббийи: "Махачев билан жанг амалга ошади"

Енгил вазнда UFC чемпиони Илия Топуриянинг устози Хавьер Климент ўз шогирдини ярим ўрта вазн тоифасида Ислам Махачев билан камар учун жанг қилишини истамоқда.

"Биз Махачевга қарши жанг қилишни истаймиз. Бу икки афсона ўртасидаги жанг, биз айнан шунга интиламиз - афсоналарни мағлуб этишда давом этиш. Илия тарихдаги энг буюк жангчи бўлишни режалаштирмоқда. Умид қиламанки, бу жанг барибир бўлиб ўтади", - деди Климент.

Бир кун аввал Илия Топурия ва Ислам Махачев бир-бирини октагонга чақирган эди. Испан-грузиялик жангчи оилавий сабабларга кўра фаолиятида танаффусга чиққан, бироқ яқинда машғулотларни давом эттирган.

Топурия ёзда UFC’нинг энгил вазндаги вақтинчалик чемпиони - америкалик тажрибали Жастин Гэтжи билан жанг қилиши кутилмоқда. Илгари Илия ярим енгил вазн тоифасида чемпион бўлган.