13 мар 15:03
Янгиликлар

Теннис

Индиан-Уэллс. Паула Бадоса чемпионлик ҳимоясига киришди

АҚШнинг Индиан-Уэллс шаҳрида теннис бўйича нуфузли WTA турнири давом этмоқда.

Мусобақанинг амалдаги ғолибаси Паула Бадоса чемпионлик ҳимоясига киришди. Испаниялик теннис маликаси WTA рейтингида 42-поғонадан жой олиб турган чехиялик Тереза Мартинцовани 6/2, 7/6(4) ҳисобида мағлубиятга учратди.

Дунёнинг еттинчи ракеткаси 97 дақиқа давом этган баҳсда 5 та эйс, 6 та қўшхато, 3 та брейк-пойтни амалга оширди. Бу теннисчиларнинг ўзаро ўтказган илк учрашуви эди. Энди 24 ёшли Бадоса ватандоши Сара Соррибес-Тормога қарши кортга чиқади. Сара ўз ўрнида словениялик Кайя Йувандан устун келди - 3/6, 7/5, 6/3.