Индиан-Уэллс. Топ-10 даги яна бир теннисчи турнирни тарк этди

Жаҳоннинг бешинчи ракеткаси, грециялик Стефанос Циципас турнирнинг учинчи даврасида АТР рейтингида 43-ўринни эгаллаб турган америкалик Женсон Бруксбига 6/1, 3/6, 2/6 ҳисобида мағлуб бўлди.

Учрашув 2 соату 4 дақиқа давом этди. Ўйинда Стефанос учта эйс қайд этди ва уч марта қўшхатога йўл қўйди. Женсон эса икки марта эйс амалга ошириб, тўпни ўйинга киритишда икки бор хато қилди. Бунгача теннисчилар ўзаро тўқнаш келишмаган. Бруксби биринчи марта Топ-10 ўйинчисини мағлуб этди.

 Америкалик теннисчи 1/8 финалда британиялик Кэмерон Норри билан тўқнаш келади.