12 мар 12:16
Янгиликлар

Теннис

Индиан-Уэллс (WTA): Халеп қийинчилик билан ғалабага эришди

АҚШнинг Индиан-Уэльс шаҳрида хотин-қиз теннисчилар ўртасида нуфузли турнир бўлиб ўтмоқда.

Соврин жамғармаси 8 648 508 долларни ташкил қилувчи ушбу мусобақада дунёнинг биринчи ракеткаси Симона Халеп муваффақиятли юришини давом эттирди. Фақат бу сафар руминиялик теннисчи қийинчилик билан ғалабага эришди.

Халеп учинчи давра баҳсида турнирга имтиёзли йўлланма асосида қўйилган америкалик Кэролайн Доулхайдни 1:6, 7:6(3), 6:2 ҳисобида мағлубиятга учратди. Чехиялик Петра Квитова, латвиялик Елена Остапенко сингари рақамланган теннисчилар эса мағлубият аламини тотиб кўришди.