Инфантино Жаҳон чемпионати иштирокчиларини янада кўпайтириш эҳтимолини истисно қилмади

"ФИФА Жаҳон чемпионатини 64 та жамоагача кенгайтириш масаласини кўриб чиқиши мумкин.

Фақат Европа ва Жанубий Америка эмас, балки бутун дунё Жаҳон чемпионатида иштирок этишни орзу қилиш имкониятига эга бўлиши керак", — деди Инфантино blue Sport нашрига берган интервьюсида.

Эслатиб ўтамиз, ЖЧ–2026 тарихда илк бор 48 та терма жамоа иштирокида ўтказилмоқда. Аввалги мундиалларда финал босқичида 32 та жамоа қатнашган эди.

АҚШ, Канада ва Мексика мезбонлигидаги ЖЧ–2026 11 июнь куни старт олди ва 19 июлга қадар давом этади. Турнир доирасида жами 104 та учрашув ўтказилади, бу эса Жаҳон чемпионатлари тарихидаги энг юқори кўрсаткич ҳисобланади.