Иқболжон Холдаров иштирокидаги жанг биринчи раундда тўхтатилди

Чарм қўлқоп устамизга проф рингдаги бешинчи жангида мексикалик Элеазар Валенсуэла рақиблик қилди. Жанг биринчи раунднинг ўзидаёқ якунига етди. Рефери Холдаровнинг кучли ва аниқ зарбалар сериясидан сўнг жангни тўхтатишга қарор қилди.  

Таққослаш учун, Холдаров шу кунгача проф боксда 5 та жанг ўтказган ва уларнинг барчасида ғалаба қозонган. Жангларнинг тўрттасида рақибларини муддатидан олдин мағлуб этган.

Тажрибали Элеазар эса проф рингдаги 11 йиллик фаолияти давомида 57 та жанг ўтказиб, уларнинг 25 тасида зафар қучган (19 та нокаут). Бугун 26-мағлубиятини қабул қилиб олди (13 та нокаут). Ҳисобида 6 та дуранг бор.