07 мар 12:26
Янгиликлар

Дзюдо

Ирисхон жаҳон чемпионати совриндори, рейтингда 5-ўринни эгаллаб турган рақибасини енгди ФОТОГАЛЕРЕЯ

Пойтахтимиздаги муҳташам "Ҳумо" арена саройида дзюдо бўйича Тошкент "Катта Дубулға" турнирининг учинчи кунги беллашувлари давом этмоқда.

Аёллар ўртасидаги мусобақанинг -78 кг вазн тоифасида юртимиз шарафини ҳимоя қилаётган ҳам ёшлар, ҳам катталар ўртасида амалдаги Ўзбекистон чемпиони Ирисхон Қурбонбоева турнирдаги иккинчи ғалабасига эришди.

Дастлаб қозоғистонлик Зарина Райфовани иппон баҳоси эвазига мағлуб этган Ирисхон нимчорак финалда рейтингнинг 5-поғонасидан жой олиб турган жаҳон чемпионатининг бронза медали совриндори, британиялик Натали Пауэллни иккита вазари баҳоси эвазига мағлуб эта олди. Бу билан у ўзига камида кучли саккизталикдан жой нақд қилди. Энди Қурбонбоева чорак финалда исроиллик Инбар Ланирга қарши татамиша чиқади.