05 янв 11:34
Янгиликлар

Дзюдо

Таътил тугади, олдинда масъулиятли мавсум. Дзюдочиларимиз илк хориж йиғинига йўл олишди

Байрам муносабати билан эълон қилинган қишки таътил ўз якунига етиб, дзюдочиларимиз яна "иш"га қайтишди.

Бош мураббийи Андрей Штурбабин бошчилигидаги терма жамоамиз илк хориж йиғинини ўтказиш мақсадида Австрияга жўнаб кетди. Дзюдочиларимиз 5-12 январь кунлари Миттерзилл шаҳрида ўтказиладиган халқаро ўқув-машғулот йиғинида иштирок этади. Ушбу халқаро йиғинда Музаффарбек Тўрабоев алоҳида дастур бўйича шуғулланади.

Йилнинг илк IJF мусобақаси Paris Grand Slam 2026 бўлиб, 7-8 февраль кунлари Франция пойтахтида бўлиб ўтади. Ўзбекистон терма жамоаси эса 2026 йилги мавсумни OTP Group Tashkent Grand Slam 2026 (28 февраль - 1 март) турниридан бошлайди. Австриядаги ўқув-машғулот йиғини пойтахтимизда ўтадиган мусобақага тайёргарликнинг илк босқичи бўлади.