Ислам Махачев Адесаньяни огоҳлантирди

Австралиялик UFC 280 турнирининг марказий жанги якунланиши билан октагонда Махачев билан юзма-юз келиб ҳам улгурганди. Ислам яна бир UFC чемпиони Исраэль Адесаньяга мурожаат қилиб, бўлажак жангда жамоадоши Александр Волкановскининг ғалабасига катта пул тикмасликка чақирди. 

"Менинг паст бўйли дўстим, сен билан октагондаги жангимизни интизорлик илк кутяпман. Дарвоқе, дўстинг Адесаньяни огоҳлантириб қўй, у сенинг ғалабанг учун ўз уйини тикиб юбормасин", - дея Волкановски орқали Адесаньяга мурожаат қилган Махачев. 

Эслатиб ўтамиз, Ислам Махачев шанба оқшомида Абу-Даби шаҳрида ўтган UFC 280 турнирининг марказий жанги иккинчи раундида Чарльз Оливейрани мағлуб этиб, вакант бўлиб турган UFC чемпионлик камарини қўлга киритганди. Жанг якунланганидан сўнг россиялик кейинги жангини Австралияда Александр Волкановскига қарши ўтказишини маълум қилганди. UFC 284 турнири 11 февраль куни Австралиянинг Перт шаҳрида бўлиб ўтади.