Ислам Махачев Илия Топурия билан жангга тайёр

Россиялик аралаш яккакураш устаси уни ташкилотнинг вазн тоифасидан қатъи назар энг яхши жангчилари рейтингининг биринчи қаторидан тушириб юборган Топурия билан боғлиқ вазиятни тушунтирди.

"Бу маркетинг. Улар бу жангни қизитиш учун атайлаб шундай қилишди. Одамларда бунга қизиқиш бор, демак, улар тўғри йўлдан кетишяпти. Табиийки, биз рейтингда биринчи ўрин учун курашамиз," - деди Махачев UFC Eurasia нашрига берган интервьюсида.

Шунингдек, Махачев яримўрта вазн тоифасида амалдаги UFC чемпиони Жек Делла Маддаленага қарши жангини қачон ўтказиши мумкинлиги ҳақидаги саволга ҳам жавоб берди.

"Бизда тўқсон фоизга аллақачон келишув бор. Эҳтимол, ноябрда," - деди Махачев.

Маълумотларга кўра, Махачев ва Делла Маддалена ўртасидаги жанг ноябрь ойида Нью-Йоркда бўлиб ўтадиган UFC 322 турнирининг асосий тўқнашуви бўлади. Лига раҳбари Дана Уайт аллақачон россиялик чемпионлик камарини қўлга киритса, унинг грузиялик жангчи билан супер жанги ташкил этилишини айтган.