Ислам Махачев Майкл Моралес билан жанг қилиш шартини айтди

Бироқ дивизионнинг амалдаги чемпиони Ислам Махачев бу ҳолат эквадорлик жангчини навбатдаги даъвогарга айлантиради деб ҳисобламайди.

"Ҳозир дивизионда даъвогарлар жуда кўп. Ўйлашимча, у Пратес ёки Шавкат Раҳмонов билан жанг қилиши керак. Даъвогарлар жуда кўп ва биз уларнинг орасида ким биринчи рақамли даъвогар эканини аниқлаб олишимиз керак", — деди россиялик жангчи ММА Junkie нашрига берган интервьюсида.

Аввалроқ Моралес, агар унга захирадан чиқишга тўғри келмаса, у ҳолда айнан у чемпионлик камари учун навбатдаги жангчи бўлишини ва титул жангининг ғолиби билан тўқнаш келишини маълум қилганди.

Ислам Махачев ва Йен Мачадо Гэрри ўртасидаги жанг келаси ҳафта, 16 август тонгида Филадельфияда бўлиб ўтадиган UFC 330 турнирининг марказий воқеаси бўлади.