10 авг 10:19
Янгиликлар

Бокс/ММА

Ислам Махачев: "Мен дунёдаги энг яхши жангчиман ва буни Филадельфияда исботлайман"

UFC ярим ўрта вазн тоифаси (77 кг гача) чемпиони Ислам Махачев ҳар бир жанг олдидан рақиблари уни нокаут қилишга ваъда беришларини, бироқ уларнинг сўзлари шунчаки гаплигича қолиб кетаётганини айтди.

"Ҳар бир жанг олдидан ҳамма: "Уни нокаут қиламан, Исламни муддатидан олдин мағлуб этаман, унинг курашини тўхтатаман", деб айтади. Лекин ҳеч нарса иш бермайди. Мен хоҳлаган нарсамни қиламан ва бу жангни муддатидан олдин якунлайман. Мен дунёдаги энг яхши жангчиман ва буни Филадельфияда исботлайман", — деди Ислам UFC`нинг расмий YouTube каналига берган интервьюсида.

Айни дамда Махачев UFC`да 16 та ғалабали серия қайд этмоқда. Ислам ҳисобида жами 28 та ғалаба ва битта мағлубият бор. Россиялик жангчи Нью-Йоркда бўлиб ўтган UFC 322 турниридаги сўнгги жангида австралиялик Жек Делла Маддалена билан тўқнаш келганди. UFC ярим ўрта вазн чемпионлик камари ўртага қўйилган жангда Махачев ҳакамларнинг якдил қарори билан ғалаба қозонган эди.