“Ислом бирдамлик ўйинлари”. 61-медал, теннисчи қизларимиз кумуш билан кифояланишди

Ҳозиргина мусобақа дастуридаги теннис баҳсларида яна бир финал учрашуви якунланди. Афсуски, Сабина Шарипова ва Полина Меренковадан иборат қизларимиз жуфтлиги имкониятни бой беришди.

Аксу Айла ва Берфу Ченгиздан иборат туркиялик теннисчилар жуфтлиги ҳамюртларимиздан устун келиб, мусобақа ғолибасига айланишди. Сабина ва Полина эса кумуш медал билан кифояланадиган бўлишди.

Шу тариқа, “Ислом бирдамлик ўйинлари”даги умумий медалларимиз сони 61 тага етди. Шулардан 15таси олтин, 16 таси кумуш ва яна 30 таси бронза медалларидир.