16 май 23:15
Янгиликлар

Таэквондо

“Ислом бирдамлик ўйинлари”. Еттинчи олтин муборак, таэквондочимиз шоҳсупада!

Хабар берганимиздек, шу кунларда Озарбайжон пойтахти Боку шаҳрида “Ислом бирдамлик ўйинлари” бўлиб ўтмоқда.

Бугун терма жамоамиз делегациясига медаллар шодасини келтириши кутилган таэквондочиларимиз мусобақадаги ўз иштирокларини бошлашди. -58 кг вазн тоифасидаги вакилимиз Ниёз Пўлатов барча рақибларини мағлуб этиб, олтин медални қўлга киритди.

Пўлатовнинг рақиби Лакехал Омар жиддий жароҳат олганлиги сабабли баҳсни якунига етказа олмади. Натижада Ниёз Пўлатов мусобақа ғолиби сифатида эълон қилинди.

Бу терма жамоамизнинг мусобақадаги еттинчи олтин медали бўлди. Еттита олтин, 9та кумуш, 18та бронза, жами 34та медални қўлга киритган терма жамоамиз медаллар жамғариш бўйича яна учинчи ўринга кўтарилиб олди.