“Ислом бирдамлик ўйинлари”. Медаллар жамғариш бўйича 7-ўриндамиз!

Кеча мусобақанинг навбатдаги куни спортчиларимиз жами 8та медал қўлга киритишди. Шулардан биттаси олтин, биттаси кумуш, 6таси бронза медалидир. Каратэ баҳсларида иштирок этган Садриддин Сайматов ҳозирча ягона бўлиб турган олтин медални терма жамоамизга тақдим этди.

Бу билан медаллар жамғариш бўйича умумжамоа ҳисобида 7-ўринни эгаллаб турибмиз. 10та олтин, 9та кумуш, 3та бронза, жами 22та медални қўлга киритган Озарбайжон терма жамоаси медаллар жамғариш бўйича 1-ўринни банд этган.

Иккинчи ўриндаги Туркия терма жамоаси ҳисобида ҳам 10та олтин медал бор. Кумуш медаллар сони 7, бронза эса 10тани ташкил қилмоқда. Кучли учликка 2та олтин, 6та кумуш, 5та бронза медали билан Индонезия терма жамоаси якун ясаган.

Биздан олдинги ўринларда Жазоир, Эрон, Иордания спорт делегациялари боришмоқда. Бугунгача жами 17та мамлакат спортчилари камида битта бронза медалини қўлга киритишди. 

IV “Ислом бирдамлик ўйинларидаги медалларимиз: 

Садриддин Сайматов – (каратэ, 60 кг.) - олтин 

Бадиий гимнастика (терма жамоа) - кумуш 

Саидхон Сайфуддинов (ўқ отиш) - бронза 

Сакина Мамедова (ўқ отиш) - бронза 

Диёрбек Ўрозбоев (дзюдо, -60 кг.) - бронза 

Гулруҳ Раҳимова (пара-дзюдо, -70 кг.) - бронза 

Достонбек Отаболаев (каратэ, 75 кг.) - бронза 

Барно Мирзаева (каратэ, 61 кг.) - бронза