“Ислом бирдамлик ўйинлари”. Медалларимиз 47 тага етди, олтинимиз 10 та бўлди

Айни дақиқаларгача ушбу нуфузли мусобақада қўлга киритган умумий медалларимиз сони 47тага етди. Бундан бир неча дақиқа олдин боксчимиз Абдулҳай Шораҳматов финалда туркманистонлик Якуб Мередовни мағлуб этиб, терма жамоамизга 10-олтин медални тақдим этди.

Шунингдек, ҳисобимизда 12та кумуш, 25та бронза, жами 47та медал бор. Бу билан медаллар жамғариш бўйича умумжамоа ҳисобида ҳамон 4-ўринни эгаллаб турибмиз.

55 та олтин, 47 та кумуш, 39 та бронза, жами 141 та медални қўлга киритган Туркия терма жамоаси ҳамон 1-ўринни банд этган. Озарбайжон терма жамоаси иккинчи ўринда боряпти. Мезбонлар ҳисобида роппа-роса 100та медал бор. Шулардан тенг ярми олтин медаллардир.