“Ислом бирдамлик ўйинлари”. Пара-дзюдочиларимиздан 2та олтин!

Мусобақанинг пара-дзюдо баҳсларида иштирок этаётган спортчиларимиз терма жамоамизга 2та олтин медални тақдим этишди.

-90 кг вазн тоифасидаги вакилимиз Шуҳрат Бобоев, +100 кг вазндаги полвонимиз Ширин Шарипов барча рақибларини мағлубиятга учратиб, шохсупанинг энг юқори поғонасидан жой олишди.

Яна бир ҳамюртимиз -73 кг вазнда татамига чиққан Феруз Саидов эса кумуш медали билан тақдирланди. У финал баҳсида озарбайжонлик Рамил Гасимовга имкониятни бой бериб қўйди. 

-90 кг вазн тоифаси ғолиб ва совриндорлари:

Шуҳрат Бобоев (Ўзбекистон) – олтин

Муҳаммад Али Шахани (Эрон) – кумуш

Ровшан Сафаров (Озарбайжон) – бронза

+100 кг вазн тоифаси ғолиб ва совриндорлари:

Ширин Шарипов (Ўзбекистон) – олтин

Канан Абдуллахонли (Озарбайжон) – кумуш

Илҳом Закиеев (Озарбайжон) – бронза