Испаниядаги ЖЧда қаҳрамонлари пул мукофоти билан тақдирланишди

Хабарингиз бор, 14-26 ноябрь кунлари Испаниянинг Ла Нусия шаҳрида бокс бўйича ёшлар ўртасида жаҳон чемпионати бўлиб ўтганди. 

Ушбу мусобақада Ўзбекистон ёшлар терма жамоаси аъзолари умумий ҳисобда 5 та олтин, 3 та кумуш ва 2 та бронза медалларини қўлга киритиб, умумжамоа ҳисобида биринчи ўринни эгаллашган эди. 

Ўзбекистон ёшлар терма жамоаси жаҳон чемпионатида илк бор мана шундай ажойиб натижа қайд этди. Кеча, катталар ўртасида Ўзбекистон чемпионатининг илк куни доирасида мазкур мусобақада совриндор бўлган ҳамюртларимиз пул мукофотлари билан тақдирланишди. 

Унга кўра, олтин медаль соҳиблари 3000, кумуш медаль соҳиблари 2000, бронза медали эгаларига эса 1000 АҚШ доллари миқдорида пул мукофотлари топширилди.

Олтин:

-48 кг: Гулсевар Ғаниева 

-57 кг: Бахтиёр Асадов 

-67 кг: Жавоҳир Умматалиев

-71 кг: Фазлиддин Эркинбоев 

-75 кг: Тўрабек Хабибуллаев 

Кумуш: 

-80 кг: Раҳматилло Бойматов

-70 кг: Азиза Зокирова

-81 кг: Олтиной Сотимбоева 

Бронза:

-54 кг: Хўжаназар Нортожиев

-75 кг: Саҳобат Ҳусанова.