Исраэль Адесанья муқаррар рақибини аҳлатга қиёслади

Янги Зеландия шарафини ҳимоя қилаётган асли африкалик чемпионнинг рақиби 8 июль куни Лас-Вегас шаҳрида ўтказиладиган UFC 290 турнири доирасидаги Роберт Уиттакер ва Дрикус Дю Плесси жангидан сўнг аниқланади. Бу даъвогарлар жанги ҳисобланади. 

"Мен унга октагонда тарих дарсидан сабоқ бериб қўяман. Ўз тарихини билмаслик уят. Сен Плесси, африкаликсан! Жанубий Африкада туғилгансан. Лекин мени муҳокама қилишга нима ҳаққинг бор? Кимсан ўзи? Сенга Камару Усман, Фрэнсис Нганну ҳақида гапиришга ким рухсат берди? Сен аҳмоқ, аҳлат қувури ичидаги бир маҳсулотсан. Мени кимлигимни тушунтиришга уриняпсанми? Сен Африкадан болани олиб чиқишинг мумкин, лекин Африкани боладан олиб чиқа олмайсан. Сен мен билан жангга эришмоқчимисан? Сенинг аҳмоқона гап-сўзларинг мени чегарадан чиқарди. Шу боис, кейингини жангним фақат сенга қарши ўтказаман. Менга бошқа рақибнинг кераги йўқ!", - дея ўзининг YouTube каналига видео интервью жойлаган Адесанья.