Исроил Гран-приси. Тель-Авивда илк машғулот ўтказилди ФОТО

Терма жамоамизнинг 18 нафар аъзоси тажрибали мураббийлар - Фарҳод Тўраев, Камол Муродов ва Рафгат Измайлов қўл остида шуғулланишди. Дзюдочиларимиз куннинг биринчи ярмида денгиз бўйида енгил чигалёзди машғулот ўтказишди. Руҳий тайёргарликка ҳам алоҳида эътибор қаратилди. 

Шу билан бирга мураббийлар назарий машғулотда спортчилар билан суҳбатлашишди. Уларнинг кайфиятлари аъло даражада ва ўйлаймизки, бугундан бошланадиган баҳсларда натижалар шунга монанд бўлади. 

Маълумот учун, 2019 йилнинг дастлабки нуфузли мусобақаси ҳисобланган Исроил Гран-присининг умумий мукофот жамғармаси 100 000 АҚШ долларини ташкил қилади. Ғолиб дзюдочилар пул мукофотидан ташқари Токио-2020 Олимпиадаси йўлидаги муҳим 700 рейтинг очкосини ўз ҳисобларига қўшиб қўйишади.