Исроил Мадримов Головкин - Деревянченко жанги ҳақида фикр билдирди

Жанг оқшомининг марказий тўқнашувида қозоғистонлик Геннадий Головкин украиналик Сергей Деревянченкога қарши баҳс олиб боради. Мазкур жанг кечасида рингга кўтариладиган ҳамюртимиз Исроил Мадримов Головкин иштирокидаги жанг ҳақида фикр билдирди. 

"Мен Деревянченконинг Жейкобсга қарши жангини томоша қилдим, баҳс осон кечмади. Шу сабабли, Геннадий учун яхшигина баҳс бўлади. Аммо, ишончим комил Геннадий ғалаба қозонади. Чунки, услуб бўйича Деревянченко олдинга боради. Геннадийга қарши очиқ жанг қилиш мумкин эмас. Режа бўйича, Головкин учун баҳс осон бўлиши керак. Мен Головкин яна Альварес билан жанг қилишини ва уни яна мағлуб этишини истардим. Аммо, бу сафар ҳакамлик адолатли бўлиши керак. Фикримча, Геннадий "Канело"ни ҳар икки жангда ҳам мағлуб этганди. Иккинчи жангда у зарбалар сони бўйича Альваресдан устун келганди", - деди Мадримов vesti.kz сайти мухбири билан суҳбатда.