Исроил Мадримов жанг олдидан Сергей Богачукга омад тилади

"Сергейга фақат энг яхши тилакларимни билдираман. Мен бу жангда иштирок эта олмаётганимдан жуда афсусдаман, аммо тикланиш учун вақтим бўлмасдан туриб, ўз имкониятларимни кўрсата олмасдим. Одамлар нима деса ҳам, бу жангга 100% тайёрланишга ҳаракат қилдим. Сергей ҳақида билганларим шуки, у яхши инсон ва ҳақиқий жангчи. У яхши рақиб билан жанг ўтказаётганидан хурсандман. Аллоҳ ҳар биримиз учун режалар тузган. Ҳаётимда нима бўлишидан қатъи назар, Алҳамдулиллаҳ! Шунингдек, Турки ал аш-Шейх жаноблари ва Riyadh Season томонидан берилган имконият учун жуда миннатдорман", деб ёзди Исроил Мадримов.

Айни дамда Ар-Риёдда (Саудия Арабистони) бўлиб ўтаётган бокс оқшоми доирасида супер ярим ўрта вазн тоифасида WBA собиқ чемпиони Исроил Мадримов Сергей Богачук билан жанг қилиши керак эди, бироқ саломатлиги туфайли у бу жангни тарк этди.