14 дек 07:27
Янгиликлар

Дзюдо

Исроилдаги йиғин якунланди, эндиги бекат - Албания!

Ўзбекистон аёллар терма жамоасининг икки етакчи вакиласи - Диёра Келдиёрова ва Гулноза Матниязованинг Исроилда ташкил этилаётган халқаро ўқув-машғулот йиғинида иштирок этаётгани ҳақида маълумот берган эдик.

Кеча Нетанья шаҳрида ўтказилган ушбу йиғин якунига етди. Бугун тонг саҳарда дзюдочиларимиз Исроилдан Туркиянинг Истанбул шаҳрига етиб боришди. Энди уларни Албанияда ташкил этиладиган халқаро ўқув-машғулот йиғини кутмоқда. Албаниядаги йиғинда Европанинг бир нечта давлат терма жамоаларининг иштирок этиши кутилмоқда.

Эслатиб ўтамиз, ҳозирда ҳар икки дзюдочимиз ҳам Токио Олимпиадаси йўлланмалари учун кураш олиб боряпти. Исроил ва Албаниядаги ўқув-машғулот йиғинлари январь ойида Доҳада ўтадиган йилнинг дастлабки IJF турнири - Қатар "Мастерс"га тайёргарлик босқич вазифасини ўтаб беради.