01 окт 08:16
Янгиликлар

Теннис

Истомин 50 000 долларлик турнирда, илк рақиб португалиялик!

Бугун Қозоғистоннинг Алмати шаҳрида теннис бўйича "Челленжер" туркумига кирувчи турнирнинг асосий тўр баҳслари бошланади.

Соврин жамғармаси 50 000 АҚШ долларини ташкил қилувчи ушбу турнирда ҳамюртимиз Денис Истомин ҳам иштирок этади ва табиийки, у мусобақанинг биринчи рақамли теннисчиси сифатида ҳаракат қилади.

Қуръа натижасига кўра, мамлакатимизнинг биринчи рақамли теннисчиси илк даврада португалиялик Фредерико Сильвага қарши кортга чиқади. Истеъдодли теннисчимиз Жўрабек Каримовга эса ташкилотчилар тўғридан-тўғри асосий тўрда қатнашиш ҳуқуқини берувчи имтиёзли йўлланма тақдим этишди. Унинг рақиби ҳам португалиялик теннисчи - Гонсало Оливейро бўлади.