16 июл 08:53
Янгиликлар

Теннис

Истомин Бостаддаги турнирда, илк рақиб мезбон теннисчи

Бугун Швециянинг Бостад шаҳрида соврин жамғармаси 561 345 еврони ташкил қилувчи ATP турнирининг асосий тўр баҳслари старт олади.

Skistar Swedish Open турнирида ҳамюртимиз Денис Истомин ҳам иштирок этади. Мамлакатимизнинг биринчи ракеткаси қуръа натижасига кўра илк босқичда швециялик Микаэль Имерга қарши кортга чиқади. Ташкилотчилар дунё рейтингида 343-ўринни эгаллаб турган Имерга имтиёзли йўлланма тақдим этишди.

Агар Истомин швед теннисчиси тўсиғидан муваффақиятли ўтиб олса, иккинчи даврада турнирнинг учинчи ракеткаси Фабио Фоньинига рўбарў келади. Италиялик теннисчи ўз иштирокини тўғридан-тўғри иккинчи даврадан бошлайди. Истомин - Имер учрашуви эртага бўлиб ўтади.