Истомин Чэндуда дунёнинг 32-ракеткасини мағлуб этди

Мусобақанинг соврин жамғармаси 1 миллион доллардан ошади. Ҳамюртимиз илк босқичда дунё рейтингида 47-ўринни эгаллаб турган Ян-Леннард Штруффни 6:3, 7:6 ҳисобида мағлуб этганди.

Ҳозиргина якунига етган иккинчи давра учрашувида Истомин турнирда учинчи рақам остида сараланган россиялик Карен Хачановдан ҳам устун келди. Бир соату 6 дақиқа давом этган баҳсда Денис кучли рақибини 6:3, 6:2 ҳисобида зафар қучди.

Энди Истомин ярим финалга чиқиш учун Эдмун - Дональдсон баҳси ғолибига қарши кортга чиқади. Денис дунё рейтингида 78, Карен эса 32-ўринни эгаллаб турибди. Теннисчилар шу кунгача ўзаро учрашишмаганди. Бугун уларнинг илк тўқнашуви бўлди ва унда ҳамюртимиз ғалабага эришди.