Истомин “Dubai Duty Free Tennis Championshps”да кортга чиқди

Мукофот жамғармаси 3,057,135 АҚШ долларини ташкил қилувчи ушбу турнир ATP 500 серияли мусобақа ҳисобланади. Ҳамюртимиз мусобақанинг илк даврасида россиялик Карен Хачанов билан тўқнаш келди. Драматик руҳда кечган ҳар икки сет ғолиби тай-брекларда аниқланди ва унда Хачанов ғалабага эришди. 

Маълумот учун, Денис Истомин бугунги кунда дунё рейтингида 81-ўринни эгаллаб турибди. Карен Хачанов эса 41-поғонадан жой олган. Теннисчилар бунгача ўзаро бир маротаба тўқнаш келишганди. 2017 йили Ченнайда ўтказилган мусобақада Истомин рақибини 6:3, 6:2 ҳисобида мағлубиятга учратганди.