20 сен 08:46
Янгиликлар

Теннис

Истомин Moselle Open турнирида кортга чиқди

Теглар : Денис Истомин Филипп Кольшрайбер

Бугун Франциянинг Метц шаҳрида теннис бўйича ATP 250 туркумига кирувчи турнирнинг асосий тўр баҳслари старт олади.

Соврин жамғармаси 481 270 еврони ташкил этувчи ушбу турнирнинг саралаш баҳсларида ҳамюртимиз Денис Истомин ҳам иштирок этди. Мамлакатимизнинг биринчи ракеткаси кеча саралашнинг 1 соату 21 дақиқа давом этган ярим финал учрашувида германиялик Филипп Кольшрайберга 5/7, 3/6 ҳисобларида имкониятни бой бериб қўйди. Истомин дунё рейтингида 226, Кольшрайбер эса 109-ўринни банд этган.

Эслатиб ўтамиз, икки кун аввал Денис Истомин бошчилигидаги Ўзбекистон терма жамоаси Осло шаҳрида норасмий жаҳон чемпионати ҳисобланган Дэвис Кубогининг жаҳон гуруҳи доирасида Норвегияга 1:3 ҳисобида ютқазганди. Яккаликнинг икки баҳсида ғалабага эришган Каспер Рууд айни пайтда дунёнинг 10-ракеткаси бўлиб турибди.