21 сен 11:03
Янгиликлар

Теннис

Истомин Питер турнири жуфтлигида кортга чиқмади

Россиянинг Санкт-Петербург шаҳрида теннис бўйича нуфузли ATP турнири бўлиб ўтмоқда.

Ушбу мусобақада мамлакатимизнинг биринчи ракеткаси Денис Истомин ҳам иштирок этаётган эди. Денис жароҳати сабаб яккалик баҳсларининг илк даврасида қозоғистонлик Михаил Кукушкинга қарши учрашувни якунига етказа олмаганди.

Ҳамюртимиз жуфтлик мусобақасида россиялик Михаил Елгин билан жуфтлик ҳосил қилган ва илк даврада мезбон теннисчилар - Таймураз Габашвили ҳамда Евгений Карловскийдан 6:3, 6:3 ҳисобида устун келишганди.

Афсуски, Денис Истоминнинг жароҳати сабабли бугунга белгиланган жуфтликнинг ушбу иккинчи босқич учрашуви ўтказилмайдиган бўлди. Натижада Себальос ва Перальтадан иборат жуфтлик кейинги босқичга курашсиз йўл олди.