14 май 09:42
Янгиликлар

Теннис

Истомин Самарқанд “Челленжер” турнирида, унинг илк рақиби маълум

Бугун Самарқанд шаҳрида “Челленжер” туркумига кирувчи турнирнинг асосий тўр баҳслари бошланади.

Соврин жамғармаси 75 000 АҚШ долларини ташкил қилувчи мусобақада ҳамюртимиз Денис Истомин ҳам иштирок этади. Мамлакатимизнинг биринчи ракеткаси бугун эълон қилинган рейтингда ўтган ҳафтага нисбатан 5 поғонага пастлаб, 96-ўринга тушиб кетганди.

Истомин мавқейини тиклаб олиш учун ҳам Самарқанддаги турнирда бош мукофотни қўлга киритишни мақсад қилган. У илк даврада аргентиналик Педро Качинга қарши кортга чиқади. Мессининг ватандоши дунё рейтингида 289-ўринни эгаллаб турибди.

Истомин - Качин учрашуви эртага соат 10:00да бошланади. Айнан Истомин Самарқанд турнирининг биринчи ракеткаси сифатида ҳаракат қилади. ATP рейтингида 199-ўринни эгаллаб турган венгриялик Атилла Балаш иккинчи ракетка сифатида қайд этилган.