20 окт 09:18
Янгиликлар

Теннис

Истомин Швейцариядаги турнирда, у бугун кортга чиқади

Мамлакатимизнинг биринчи ракеткаси Денис Истомин бугун Швейцариянинг Базель шаҳрида старт оладиган нуфузли турнирнинг саралаш баҳсларида иштирок этади.

Бугун ҳамюртимиз “Swiss Indoors Basel” АТP 500 турнирининг саралаш босқич илк даврасида сербиялик Душан Лайовичга қарши кортга чиқади. Истомин - Лайович учрашуви Тошкент вақти билан соат 16:30да бошланади.

Таққослаш учун, Денис Истомин дунё рейтингида 89, Лайович эса роппа-роса 50-ўринни эгаллаб турибди. Теннисчилар шу кунгача ўзаро икки бор тўқнаш келишган. Иккала ўйин ҳам 2011 йилда ўтказилган бўлиб, теннисчилар бир маротабадан ғалабага эришишган.