12 окт 15:33
Янгиликлар

Теннис

Истоминга “чиқиш” эшикларини кўрсатган Ожье илк финалчи!

Пойтахтимизда ўтказилаётган теннис бўйича “Челленжер” туркумига кирувчи турнир ўзининг ҳал қилувчи палласига кирди.

Соврин жамғармаси 75 000 АҚШ долларини ташкил қилувчи ушбу турнирнинг яккалик баҳсларида бугун ярим финал учрашувлари ўтказиляпти. Бундан бир неча дақиқа аввал илк финалчининг номи маълум бўлди.

Кеча чорак финалда Денис Истоминни мағлуб этган канадалик Феликс Алиассим Ожье беларуслик Егор Герасимовга қарши кортга чиқди. Бир соату 44 дақиқа давом этган учрашувда Ожье рақибини 6:4, 7:6(4) ҳисобида мағлубиятга учратди.

Саралаш баҳслари орқали асосий тўрга етиб келган канадалик теннисчи ATP рейтингида 128-ўринни эгаллаб турибди. Герасимов эса 242-поғонадан жой олган. Ожьенинг финалдаги рақиби бироздан сўнг аниқланади. Айни дақиқаларда ўтказилаётган баҳсда польшалик Камиль Майржак германиялик Тобиас Камке билан ҳисоб-китоб қиляпти.