Истоминнинг Алмати турнири финалидаги рақиби маълум бўлди

Соврин жамғармаси 50 000 АҚШ долларини ташкил қилувчи ушбу турнирда ҳамюртимиз Денис Истомин биринчи рақам остида ҳаракат қиляпти. Осиё ўйинлари ғолиби Алматида ҳам ғолибона юришини давом эттирмоқда. 

Бугун у ўз вақтида дунёнинг 24-ракеткаси бўлган чехиялик Лукаш Росолни 1 соату 46 дақиқа давом этган мураккаб ярим финал учрашувида 3:6, 6:3, 6:4 ҳисобида мағлуб эта олганди. аввал Иккинчи ва учинчи сетларда Истомин 0:2 ҳисобида мағлуб бўла туриб, чиройли тарзда брэйкни амалга ошира олган ва финалга чиққан эди. 

Бир неча дақиқа аввал Дениснинг финалдаги рақиби ҳам маълум бўлди. Бу учрашувда кичик “сенсация” кўтарилди. ATP рейтингида 201-ўринни эгаллаб турган сербиялик Никола Милоевич дунёнинг 77-ракеткаси босниялик Мирза Башични роппа-роса 2 соат давом этган баҳсда 3:6, 7:6(3), 6:3 ҳисобида мағлуб этди.